【🏔山系女的迷思，歡迎討論】
就財政預算案裏面提及，政府預留五億元優化郊野公園設施，更有小道消息指出，打算以近年流行的豪華露營作參考。
Q：優化後的郊野公園對現有的使用者帶來什麼好處？如果由你去決定五億元如何分配，你又會增加什麼設施或活動？
個人見解：
🛖觀景台：多左個亭，破壞左個環境
🎡樹頂歷奇：邊個管理？之後嘅營運費用邊個出？
🏕升級露營地點：如果真係以Glamping為藍本，要做到有幾Grand？而家嘅私人營地，又點樣生存？
我明白呢個預算案，係希望增加遊客體驗，從而帶動香港旅遊業，但係響繼續開發郊野公園之前，有冇睇過而家郊野公園嘅情況？每逢星期六、日，山上面嘅人流，仲多過旺角！山徑上面鋪滿垃圾，適合露營嘅草地，都已經變得沙漠化，請問再將更多嘅人流帶到郊野公園，仲可以消化嗎？
如果我可以決定呢五億元嘅用法，我諗首先要教導一下主要官員乜嘢叫做Leave No Trace，LNT唔單止係自己垃圾自己帶走，而係去完好似冇去過咁！
Glamping嘅文化，源於幾十年前嘅非洲，富裕嘅貴族，鍾意喺大草原上面招待朋友，欣賞奇珍異獸，品嚐美酒佳餚，所以絕對唔係咩新奇事😒只係因為igable，先令呢件事興起
想提升香港嘅旅遊競爭力，不如諗吓點樣將LNT融合現今嘅打卡文化；改善民生問題，令大眾市民唔會壓力爆煲，一點就着火；當大眾生活安穩，先會增加上游力，從而提升社會競爭力.....(下刪一萬字)
總而言之，貼地啲啦，好冇？
#郊遊公園 #財政預算案
Search